杜汶澤曾在社交網站轉載《給》曲，他表示因聽到這歌而被感動：「唔係歌詞咁簡單，而係一個女仔為同偶像合照而作歌，作一首歌唔易，我知發哥有留意我啲社交網站，所以轉載咗。」知道the pancakes獲發哥邀請出席電影首映禮後，阿澤開心地說：「咁好？真係戥佢好開心！發哥感染力好大！依家有個社交網站，網民將同發哥嘅合照上載，粉絲個樣好開心。」又表示接拍《賭城風雲》的因素之一是望與發哥合照。問會否想粉絲作《給杜汶澤的歌》，他笑說：「唔好呀！我同粉絲喺街合照仲會尷尬，又唔係咩大明星。發哥係神級，我要向發哥學習。」

阿澤因受感動而轉發the pancakes的歌。