明星市民都喜愛與神級影帝周潤發合照再放上網，最近唱作歌手the pancakes自創了新歌《給發哥的歌》，即被網民瘋傳！發哥聽後深受感動，打算邀她出席新片香港首映，讓她夢想成真！

發哥與發嫂到達《杜老誌》公演場地，即被大批市民和傳媒包圍。

發哥請睇《賭城風雲II》，the pancakes有福喇！

the pancakes

影帝周潤發、張家輝及劉嘉玲主演的賀歲片《賭城風雲II》即將上映，網上再掀起一股「發哥熱」，網友鬥晒與發哥的合照，當中自認是「超級發粉」的唱作女歌手the pancakes創作新歌《給發哥的歌》，表明想親見偶像及合照：「我真係受夠喇！個個都撞到周潤發哥，係我撞唔到！我決定化悲憤為寫歌！作為一個阿嬋，今次我真係豁，豁咗出去，希望我會在不久的將來，能夠和你偶遇，並且畀你聽呢首歌……然後一齊在街上自拍，再一齊跳起Yeah！」

夠直白網民Like

歌詞內容講述一名癡心Fans恨見偶像的自白：「發哥你啲Fan屎有很多，我是其中一個……好想跟你自拍囉！係瘋狂咁影喎！」the pancakes用招牌「唔啱音」唱腔演繹，加上歌詞直接坦白，獲網友狂推，不夠十日其Facebook專頁已有逾32萬人次瀏覽，YouTube則有近7萬個點擊，連杜汶澤都留言支持！

好得意好Cute!

發哥聽後大讚唱法可愛、歌詞真誠，更提議電影公司邀她蒞臨本月13日的香港首映，並會與她合照！發哥說：「好感動呀！有人作首歌畀自己搵自己，佢唱得好得意好Cute囉！如果安排到我一定要見啦！咁真誠！我安排咗叫佢嚟睇首映，到時咪同佢影番張相多謝吓佢囉！謝謝！」又表示歌詞提及發嫂，屆時會夫婦孖實合照！發哥這半個月的行程緊密，將到北京、成都、廣州及在港展開電影宣傳之旅。

the pancakes為香港一人樂隊，Dejay（蔡明麗）是唯一成員，亦是填詞人林日曦的妻子，音樂作品被多個電視廣告使用，如巴士廣告及銀行廣告，2005年更憑《麥兜菠蘿油王子》歌曲《咁咁咁》奪得《第24屆香港電影金像獎》最佳原創電影歌曲獎。

《給發哥的歌》部分歌詞

曲詞唱：the pancakes

發哥 你的Fan屎有很多

我是其中一個

我識你 你唔識我

我啲歌 你都應該未聽過

每一天都有人將你捕捉到

我好羨慕但係唔葡萄

你份人咁好 你個人咁高

全香港都將你當係寶