李思捷為節目《今晚睇李》第三集錄影，更請來許冠文擔任嘉賓，身為主持兼監製於一身的思捷接受訪問時，被問到首集節目通訊事務管理局接到七宗投訴，指內容粗鄙無聊及浪費食物，思捷說：「一早講咗形式係咁，外國啲Late Night Show都係咁，上個月都講咗係咁做啦！」對於有網友指抄足8成外國節目，他又自嘲：「咁咪即係讚緊我哋，我哋節目有國際級水準。（又話抄《雙星報喜》喎！）都好過話似垃圾，啲人搵嘢嚟鬧。」

許冠文希望思捷的節目增添傾偈環節，Kay則力撐晚上節目可直白些！

而許冠文知道思捷有扮他以前的《雙星報喜》，他坦言想提議思捷不如扮自己唱番首歌，看看效果如何。對該節目被指抄襲外國節目，許冠文說：「不嬲話咗係照抄，都會畀啲意見佢，多番啲傾偈環節，我都唔贊成節目咁多屎尿屁，希望幽默感多啲。」