唐詩詠、高海寧（高Ling）及謝安琪（Kay）等昨晚錄影李思捷主持的節目《今晚睇李》。與洪永城關係成為熱話的唐詩詠，笑言起初擔心要答問題，幸好最終只是玩估歌仔遊戲，令她放下心頭大石！問到是否擔心被追問戀情？她說：「唔知，估佢唔到！（驚唔驚爆肚？）我諗唔會，但都諗下點反擊。（同洪永城發展成點？）多謝大家關心。（情人節約食飯？）呢段時間咁危險，唔一定嗰日食，都係簡單啲好。（幾時先答應佢？）等佢儲多啲Like先！（外間覺得佢花弗！）佢充滿驚喜，但唔可以正面讚佢。」對於該節目被指抄外國節目，她則力撐思捷，稱可能橋段相似所致。

唐詩詠（左）玩估歌仔遊戲，不用答問題令她鬆一口氣；高Ling亦寧願被思捷整蠱，也不欲用腦回答問題。

而高Ling坦言寧願被思捷整蠱，也不欲用腦回答問題。談到涉抄襲外國節目，她說：「自己冇睇所以唔知，最緊要節目畀到大家歡樂，全世界都係咁，唔知邊個抄邊個。」Kay亦撐思捷到底：「佢不嬲想做一個外國Late Night Show，抄都係一種講法，香港都冇。（畀人鬧節目玩屎尿屁？）夜晚節目可以直白啲，用輕鬆風格去表達，大家唔好咁介懷啦！」