馬國明飛到新加坡出席珠寶店剪綵活動,席間「預言」自己若3、4年後不結婚,大有可能孤獨終老!而在新片《衝上雲霄》中,他被安排再咀江美儀,認真艷福無邊!

馬國明與江美儀由電視咀到上大銀幕,啱晒嘴形!

朱璇在戲中獲劉俊孝求婚,好浪漫呀!

馬國明自爆3、4年後唔結婚就會孤獨終老,唔會啩!你咁靚仔!

馬國明近日風塵僕僕,除了忙於宣傳賀歲電影《衝上雲霄》電影版外,前日更飛往新加坡出席周大福ION Orchard店開幕典禮,身穿黑色西裝配4卡鑽戒及2卡鑽石呔夾的他可謂閃爆全場,自言暫時沒有約會對象的他說:「有命理師傅批我2018同2019年先有機會結婚,所以唔使急,不過如果嗰時都唔結就冇喇!」

再續未了緣

提到客串《衝》片,與「Head姐」江美儀的姊弟戀由公仔箱延續到大銀幕,首日開工便獲安排與美儀激咀的他,昨日接受電話訪問時笑說:「好彩大家熟囉!(美儀投訴你冇期,搞到英國外景佢冇得街頭浪漫喎?)因為我喺香港拍緊嘢嘛,真係唔好意思,其實決定拍呢套戲我冇問過戲份同片酬,因為要畀面監製梁家樹,我第一套有角色名嘅電視劇就係佢畀機會我嘅!」

苦戀劉俊孝

另外,在《衝》片內扮演空姐的朱璇與內地演員劉俊孝苦戀,最終獲對方在飛機安全帶內暗藏鑽戒求婚,但現實中的她卻喜歡平淡:「呢啲嘢都係用嚟拍戲啦!我覺得做人簡單啲好,況且我一定唔會咁執着(苦戀),畀我一早就放棄咗呢段感情喇!」