昨日與主持周奕瑋做大會司儀的Kawaii，將與旗下藝人何潤東（Peter）過情人節：「幾乎連續三年都同何潤東一齊過！因為年年佢都會請公司同事去旅行，上年係日本大阪，今年就去東京，我哋會去迪士尼樂園，佢舊年仲帶埋型男郭品超嚟，唔知今年帶咩靚仔嚟。」問到曾誇口兩年後結婚的Peter，有否帶女友參加公司旅行？Kawaii表示未見過其女友：「唔知佢係咪收得好埋！」去年她亦曾追問Peter父母有否見過未來新抱，他們表示未見過，認真神秘！Kawaii說：「Peter有兩個家姐都有小朋友，所以佢爹哋媽咪都唔心急抱孫，話最緊要Peter開心！」單身的Kawaii亦希望在今年覓得意中人，她說：「之前喺活動見到胡杏兒，佢話唔好成日掛喺口邊，咁先會搵到，依家佢真係搵到，我都戥佢開心！」

Kawaii與主持周奕瑋擔任大會司儀。