陳玉蓮昨日以大使身份出席慈善活動，近年經常往返內地做探訪的她，自爆安裝了社交App與人通訊，成功賣甩「現代文盲」之名！主力參與慈善工作的她，更自爆戲癮起想拍劇！

陳玉蓮到不同的山區探訪，發揚善心！

近年甚少在幕前露面的陳玉蓮（蓮妹），昨日以復康大使身份，出席《復康力量在「職」達人頒獎禮》擔任頒獎嘉賓。被朋友封為「現代文盲」的蓮妹，原來已經跟隨時代步伐安裝社交App微信，以便與人通訊：「我依家好多時間都喺內地做慈善，人哋好多時都要Send啲相畀我，費事要下下Check Email，不過手機冇流量，都要等有Wi-Fi先收到。」

搬埋物資

現時將大部分時間投放於慈善工作上的她，更要經常穿州過省到山區探訪，惟她享受助人的樂趣，可見善心無限！她說：「我同朋友六年嚟揸車去唔同山區，過程係辛苦，我都笑自己係『上車做司機，落車做咕喱』，因為要搬埋物資，但係好開心！」

等好劇本

戲癮起的蓮妹更露口風想拍劇：「大家都以為我全職做慈善，其實我成日放聲氣話有劇本可以搵我，只要係啱我Standard（標準），無論內地定香港，我都歡迎。」