「燦神」廖偉雄昨日在深水埗舉行新書發布會，亞視執行董事葉家寶和張家瑩等現身撐場。經歷破產後捲土重來的「燦神」笑言亞視應該盡快執笠：「一係就執，一係就博，點解要等執？」更建議亞視應以經營超級市場的方式開放平台，轉危為機。他又以另類方式呼籲亞視員工勿辭職：「執咗笠每人都拎到部機走！」

「燦神」以另類方式呼籲亞視員工勿辭職。

亞姐出身的張家瑩表明會繼續留在亞視。

葉家寶笑指「燦神」是語不驚人死不休：「其實都試過開放平台，但冇積極咁搞，依家會反思。」又指亞視會透過賣農地及賣亞姐經營權等方法籌集資金，望過年前可出一月份薪金，更表示亞視欲製作處境喜劇吸引廣告客戶贊助。而張家瑩稱最近加了0.9％人工：「喺公司做咗咁多年，冇理由一毫子都唔加。」又指即使有做生意也會留在亞視。