黎耀祥、呂慧儀及曾華倩等昨日拍攝無綫賀年節目《家家有喜事》，節目以戲劇形式錄製，祥仔扮演坐擁市值2.8億元山頂豪宅的業主，他「入戲」地說：「大家隨便坐，當自己屋企就得！我諗住搵十個八個朋友夾份買呢度住，最多變身豪華劏房。」

祥仔當正自己豪宅主人，同一班星級訪客Chok甫士。

祥仔目前月花5萬租屋，他認為「價廉物美」﹕「我計過條數，如果要買住緊嗰層，淨係銀行上會利息都貴過交租，仲有其他雜費未計呢！但我依家可以有流動資金喺手喎！」

而打扮密實的「長腳蟹」呂慧儀說：「我（胸部）依家屬於囝囝嘅，況且我要小心健康，唔可以冷病，因為仲餵緊人奶。」談到農曆新年將至，她表示會帶5個月大的「蟹子」四出拜年逗利是，又說：「我想生多個女湊成『好』字，不過老公見我生仔過程太辛苦，所以暫請我食檸檬！」