終年66歲的資深藝人何家駒前日凌晨在港病逝，好友曹查理昨到亡友東莞寓所執拾遺物兼打點後事，嘆對方搵得快時使得快，更直指有些存摺只得百幾元！而正尋找何家駒妹妹的他，希望與對方一起打點何家駒後事。

何家駒病逝後，被指存摺只得百幾元，令人唏噓。

曹查理

憑電影《監獄風雲》中的奸角「大咪」打響名堂的資深藝人何家駒，前日凌晨病逝，終年66歲，昔日老拍檔如周潤發和黃光亮等大表惋惜。

生前好友曹查理在家駒入院後，每日透過家駒的人壽保險經紀了解情況，更指家駒因糖尿病一度要截肢：「26號下午，我接到經紀電話，話佢好咗好多，應該兩至三個星期可以出院，仲想飲橙汁同食蛋糕，但醫生唔畀。」翌日凌晨三時許，醫生發現家駒呼吸困難，不久便逝世，而死因尚未公布。

傳三日輸二千萬

曹查理昨日到東莞常平家駒寓所執拾遺物，見其家中凌亂不堪即相當感慨：「其實佢呢十幾年靠登台都搵到錢，應賺到五、六百萬！」但不少銀行存摺只得百幾元。至於有指家駒當年曾投資傳媒事業，亦曾豪賭三天輸身家二千萬元，曹查理表示未有聽聞。

盼亡友妹妹現身

因曹查理並非家駒直屬親人，為亡友打點後事較正常手續繁複，故他希望找到家駒妹妹：「可惜佢妹妹一直都冇覆我，我都聽何家駒講過，佢同佢妹妹好似因為佢哋媽咪層樓搞到唔開心，之後好少聯絡。」若最終未能取得聯絡，他仍會打點後事，打算將骨灰撒公園：「應該萬幾蚊可以搞掂。」

另外，資深製片人好友張國忠亦對家駒逝世深表惋惜：「佢當年教我點做製片，我啱啱落機聽到呢個消息，依家都希望聯絡到佢嘅屋企人。」更指視對方為「師兄」。