霍啟山前緋聞模特兒女友Lea T.及前亞姐張家瑩昨日一同為內衣騷擔任模特兒，首次行內衣騷的家瑩自然成為焦點，但身材高挑的Lea演繹性感內衣駕輕就熟，二人各有噱頭，平分秋色！

Lea T.表示情人節有約會，不過提到前緋聞男友霍啟山即封嘴。

首次行內衣騷的張家瑩身形甚Fit，絕不遜於專業模特兒。

張家瑩（左）與Lea T.齊齊行內衣騷，身材各有睇頭。

昨日Lea T.跟前亞姐張家瑩一同擔任內衣騷模特兒，示範多款性感內衣。經常穿着內衣或泳衣工作的Lea，其高挑身形堪稱完美，而家瑩首次「獻身」亦表現淡定，而且身形甚Fit，絕不遜於專業模特兒。Lea表示很滿意自己的身段，每天都去健身操練肌肉，最重要是身體健康，認為這樣比身形肥瘦大小更重要。

唔擔心嚇怕追求者

問到常走內衣騷會否嚇怕追求者？Lea笑說：「唔會，仲多咗人認識。」談到如何慶祝情人節？她說：「會去睇戲。（同男朋友定女朋友？）我希望係男仔。（霍啟山？）其實我每次談及自己私生活都會覺得好尷尬。（有冇拍拖？）唔可以話係拍拖，但有同人約會！」至於家瑩則表示第一次穿內衣行騷，是一個新挑戰，問到是否轉走性感路線？她說：「不嬲都贊成健康性感，而且內衣係每個女人都會着，應該要大膽啲，Show自己身材！（怕唔怕騷太多身材嚇走追求者？）我只會接好嘅牌子，係靚嘅性感，應該會吸引更加多就真。」

希望亞視大步檻過

此外，談到亞視欠薪一事？家瑩透露剛於上個月跟公司續約一年，問到公司欠薪為何仍續約？她說：「嗰陣啱啱出咗糧先簽，而且我份約仲加咗人工，我話我都做咗三年，應該有少少誠意加少少，公司依家有個大難關，都希望可以大步檻過，我有餐廳，但都想繼續做電視台，做娛樂圈。」