周柏豪攞獎唔敢偷懶

周柏豪昨日出席華納唱片舉行的《感激繼續同行》祝捷會，慶祝去年獲得好成績。柏豪坦言不會因為去年成績優異而放慢腳步，現時工作已排得密麻麻：「只要稍微懶同退步都會畀人睇到，已經有幾部電影同內地巡唱，我冇嘢做會癲！」他又表示會買心頭好以作獎勵，並指正落力儲錢買樓：「仲儲緊錢！（私下多謝女友？）會，講心o架！」另外，他與李悅彤（Liddy）主演的三級電影《四非》日前公開預告片，飾演殺手的柏豪除以爛面妝示人外，更有大膽近乎全裸的鏡頭，片中有感情線的他倆更會爆粗互鬧，內容極為露骨！