洪永城昨日公開向唐詩詠示愛！他坦言會在情人節約會她，問到屆時會給對方甚麼驚喜，他說：「我日日都做緊！」而二人好友黃翠如則希望詩詠能認真考慮與洪永城發展！

洪永城開到聲話最Like唐詩詠，唔知詩詠聽到會唔會考慮同佢發展吓呢？

崔建邦戥舊愛唐詩詠開心。

黃翠如激讚洪永城係好男仔。

洪永城（Tony）與唐詩詠合作拍劇後不時傳出緋聞，早前二人一直表示了解中，昨日Tony出席活動時坦言好Like詩詠：「有二、三百個Like，若儲夠二、三千個Like就公開！」記者昨日再致電他，他指受訪時大家有個「美麗的誤會」，問到是否已展開追求，他說：「間唔中啦！（咁詩詠有乜表示？）我諗佢研究緊。」

崔建邦恭喜舊愛

提到他在情人節會約會詩詠，明顯「插旗」打退其他對手，Tony說：「呢啲筍盤梗係要早啲落手，都有記者問我，我估之前佢哋影到我哋食飯、睇戲，不過尋晚先邀請佢去睇千嬅演唱會。（開唔開心？）開心，都有Keep住約會。」問到情人節會給詩詠甚麼驚喜，他說：「結婚咩！呢啲每日都做緊啦！」

而詩詠昨日接受記者訪問，提到Tony已表態，問她為何還未接受，她說：「呢啲嘢畀啲空間啦！要了解吓先！（了解日日都做緊喇喎！）我唔知呀！（佢日日做緊啲乜？）正常關心、問候WhatsApp。（情人節會否應約？）等佢真係約先啦！」至於詩詠「舊愛」崔建邦被問到此事時說：「如果係真都恭喜佢，最緊要佢開心！」

黃翠如勁Sell好友

另外，身為二人好友的黃翠如則力Sell男方：「希望詩詠認真考慮佢，Tony係一個非常好嘅男仔，我同Tony好Close，佢鍾意嘅我都鍾意，佢哋合作拍劇時，Tony同我講過佢好開心，讚詩詠係好演員、好女仔。」而身為詩詠「阿哥」的馬國明聽到洪永城情人節會約會詩詠時笑說：「佢咁都好主動，但阿妹係唔係會應約先？可能阿妹唔應約呢！（佢依家插晒旗喎？）冇話插唔插，我哋情人節唔知會唔會約阿妹食飯！」