即將在下月六及七日一連兩晚在紅館舉行《朱咪咪我做晒演唱會》的朱咪咪昨日為個唱綵排，她透露除了大唱拿手粵曲外，亦會演唱流行曲。

能夠在紅館開騷，咪咪姐非常開心！

咪咪姐與粵劇名伶陳詠儀擺甫士合照。

咪咪姐練歌時七情上面，肉緊到痹！

「嗌唔係好啱我」

咪咪姐更曾考慮演唱令G.E.M.（鄧紫棋）揚威內地的《你把我灌醉》，但後來決定改唱另一首歌，又否認此舉暗寸對方：「嘩！唔係！我上次演唱會都有唱其他歌啦！」

咪咪姐又透露曾獲內地節目《我是歌手》邀請：「坦白講內地歌手個個嗌到聲嘶力竭，咁樣唔係好啱我。我唔係輸唔起，只係唔鍾意畀佢哋叮，喺十四億人面前畀人叮走，以後仲使出嚟撈？我都有尊嚴，可以喺紅館開騷，飛都賣晒，我係唔紅、唔係好有地位，但好有自尊！」