何家駒早前接拍監獄片《壹獄壹世界》，與後輩張建聲及王宗堯等鬥戲，並演回《監獄風雲》中「大咪」一角。惟該片最終成為其遺作，一眾演員亦感到相當可惜，電影公司老闆蕭定一感到愕然：「冇諗到咁快離開，好突然。」他指愛拍戲的駒哥即使身體欠佳也答允演出：「佢好專業咁完成套戲，為人好Nice、好合作。（成為遺作？）佢都話咁多年冇拍，好想拍監獄片。」王宗堯則指劇組有盡量安排好時間，讓駒哥毋須等埋位，並大讚他敬業、樂觀，而且演技爐火純青。

蕭定一

對於何家駒病逝，其遺作《壹》片的老闆蕭定一感到十分愕然。

在片中對駒哥拳打腳踢的張建聲，最難忘跟對方拍攝動作戲獲提點：「好光榮，可以成為駒哥人生最後一個對手，喺佢身上學到淡定，建立自己嘅Style。」雖然林芊妤（Coffee）及郭奕芯（Ashina）與駒哥沒有對手戲，但見過面也讚他為人Nice，Ashina說：「有次喺化妝間見到幾位前輩包括佢，雖然個樣好似好惡咁，但有主動同我打招呼。」