楊采妮生B順其自然

楊采妮（Charlie）昨日出席護膚品牌活動時表示，早前與老公邱韶智去了一趟遠行，更目睹了罕見的北極光。四十歲的她透露現在不時睇中醫調理身體，希望可以盡快造人：「因為自己細個好早就入行，以前唔識照顧自己，身體抵抗力冇咁好。（人工受孕？）我知好多人都會咁做，但我暫時都唔想，因為覺得生BB係上天賜予，當初結婚係因為想一齊，而唔係為咗生BB，都係順其自然好啲。」而同場的丁子高則大讚太太楊千嬅演唱會中的表現，但笑言不會再擔任特別嘉賓。