組合Super Girls成員Jessica予人的形象較Cool，外表斯文的她原來幾「爛」玩，尤其是扮鬼臉，Jessica輕易地擺出六、七個古靈精怪樣，她說：「我比較豁得出去，扮呢啲令人想笑都冇乜所謂。（唔擔心影響形象？）其實我個人係瘋瘋癲癲，都幾切合我嘅形象！」問到公司會否阻止她在鏡頭前扮出古怪樣？她說：「同事有叫過唔好整啲古靈精怪樣，可唔可以乖乖哋笑就算，當時有少少唔開心，會覺得呢個先至係真正嘅我！」問到會否在心儀對象前扮可愛？她說：「比起做核突樣更加難，因為可愛樣好易惹人反感。（拍拖時都會撒吓嬌？）嗰啲自然嘅！男朋友應該熟悉你，知呢下係玩，唔係專登做出嚟。」

外表Cool到爆的Jessica最憎扮可愛。

Jessica並不擔心影響形象，盡情扮古怪樣表現真我。

豁，豁出去！身為靚女的Jessica扮醜完全冇底線！