玩具大王蔡志明女兒蔡加敏與丈夫馬鴻銘及王賢誌前晚出席東華三院慈善晚宴，蔡加敏表示有幫細佬蔡加讚湊囡囡Celine：「有湊埋，每星期成班小朋友都有聚會，Celine肥嘟嘟，成日笑。」

蔡加敏與丈夫馬鴻銘出席晚宴，恩愛合照。

王賢誌專心幫公司代言健康食品。

另外，身為東華三院第四副主席的王賢誌表示2018年會升為主席，故不能分心：「已經兩年冇做幕前，呢幾年唔可以分心，而且要幫公司健康食品做代言人，有時晚宴表演當過戲癮，真係太忙喇！」他透露會留港過年，又要團拜，而下星期會先往日本旅行。