前港姐陳華鑫（Gloria）有樣有身材，但原來她早已被「私有化」，令宅男夢碎！與圈外男友感情穩定的她正投入異地戀的滋味：「拍咗幾年拖，感情好隱定，都支持我嘅事業。（難夾時間見面？）佢時間都好唔定，佢唔喺香港做嘢。」Gloria得開通男友力撐，不怕小性感：「電視尺度唔會太過分，露背露膊頭都得，健康就冇問題。」

為免媽媽擔心，陳華鑫會盡量十二點回家，十足現代「灰姑娘」！

談到學生歲月，陳華鑫自認「成碌木呆呆吓」：「以前咩都唔識，媽咪好擔心。不過由細到大佢都唔鬧唔打我，但係會喊。有一次我夜咗返屋企，一開門就見到媽咪喊，令我好心噏，依家我到夜晚十一、二點就潛意識覺得夠鐘返屋企。」