王梓軒與盧靖姍(Celina)憑國語歌《迷彩》在《TVB8金曲榜頒獎禮》勇奪金曲獎,梓軒坦言要將獎項送給Celina的媽媽,因她患上癌症,剛在醫院做了個大手術,梓軒說:「Celina犧牲陪媽媽嘅時間,同我去頒獎禮攞獎,希望大家一齊為Celina同佢家人送上祝福,可以早日康復!」Celina當晚演唱前表示想把這首正能量歌曲送給媽媽,希望媽媽在電視上看到她的表演可以振作起來。

勇奪金曲獎的王梓軒與Celina,希望發放正能量鼓勵大家!

梓軒也感謝一班幕後製作團隊:「此刻對獨立歌手身份嘅我,真係得來不易,我覺得上天將我擺喺呢度,唔係要獎勵我哋團隊勤快咁簡單,而係希望我可以藉此鼓勵似我哋一樣奮鬥中,有時會被樂壇氛圍所迷惑、感到氣餒嘅朋友,講聲加油!」