唐紫睿(Hazel)、白健恩(小白)在新片《鴨王》中有不少火辣場面,當中廁所激戰戲令他們最難忘,問到小白跟性感Hazel拍戲時會否有反應?他笑說:「Hazel咁靚女,少少啦!」

唐紫睿低胸上陣,坐在白健恩大髀上拍照,合作無間。

唐紫睿坦言拍攝《鴨王》時較緊張,多得白健恩教路。

白健恩與唐紫睿在戲中有不少火辣場面,在廁所一幕最難忘。

火辣場面

擁33C上圍的唐紫睿(Hazel)在王晶新片《鴨王》搏到盡,跟何浩文(Dominic)、白健恩(小白)都有不少激情場面,當中Hazel直言與小白在洗手間一場肉搏戲最難忘,因在狹小空間內拍情慾戲,難度甚高!

讚對手靚女

事前兩人做足準備工夫及拍攝前的溝通工作,拍攝時甚有默契。Hazel在大家合作時,盡力拉近彼此距離:「我開工嘅時候,特登去接近佢、撩佢玩,等大家冇咁生疏,可以放膽啲去演,有時會調戲佢同啲工作人員,等自己投入角色,因為我喺戲入面係個玩得好癲同喜歡『抽水』嘅女人。」

男演員拍攝情慾戲,生理反應未必能控制自如,問小白有否被火辣Hazel「電」親,演情慾戲時有生理反應?他笑說:「Hazel咁靚女,有少少啦!」在旁的Hazel笑說:「佢冇,我嬲佢o架!哈哈!小白好有紳士風度,同佢合作好愉快,好多謝佢幫忙,因為我始終係新人,《鴨王》係第一部較重戲份嘅戲,我會比較緊張,多得佢幫我同教我點去演。」