擅長武術的陳鈺芸今年回歸本土製作，將另一面「舞術」搬上銀幕，多才多藝的她認為做藝人一定要自我增值才能把握每個機會。而從小已過着充實生活的她，長大後即化身「工作狂」，更笑言愈忙愈開心！

JuJu笑言已習慣了忙碌的生活。

JuJu將在新戲中與一舞蹈家和團隊合作，令她非常期待。

一向「打得」的JuJu，早前更挑戰泰拳。

武打女星陳鈺芸（JuJu）過往主要參演國際武術電影，但她早前落實參演港產電影《黃昏時那條海平線》兼任女主角，更會展示「舞術」：「其實我3歲就開始學跳芭蕾舞，大學嘅時候都有副修跳舞，曾經都夢想過做舞蹈家，所以今次可以喺電影騷到我嘅舞技覺得好興奮！」她更會在電影中與一級舞蹈家和團隊合作，令她非常期待！

唔恨拍拖

而JuJu除了打功夫和跳舞外，更會寫書法、彈鋼琴、花樣滑冰及跳水等，她認為身為藝人不能只有一種才藝，要不時自我增值：「機會嚟嘅時候，如果你冇嗰種才能就會錯失咗個機會，我好幸運由細到大屋企人都畀好多嘢我學，可能因為我細個係好好動，跳跳紮嘅，所以佢哋要畀嘢我學等我個人定啲。」她又提到讀書時期的時間表排得密密麻麻，放學後不是補習就是上興趣班，現在更已習慣忙碌的生活：「我依家唔使拍戲反而仲忙，好似之前籌備名人晚宴，又要幫跆拳道委員會搞香港賽事。另外我有教一啲健身班，同埋之前出嗰本書賣得好好，依家出版社想我寫另一本書。雖然好多嘢做，但我係開心嘅，如果冇嘢做多過一日我會覺得好空虛！」而正處於拚搏時期的JuJu坦言唔恨拍拖，但希望可以找到同樣事業心重的另一半，可以體諒自己。