與陳嘉桓合作拍電影《男人唔可以窮》的梁婉微（Milky），早前與家人飛到夏威夷過聖誕。雖然當地出名陽光與海灘，但由於冬天的海水太凍，故Milky未有進行「下水禮」，反而膽粗粗挑戰空中跳傘！她說：「我本身好驚離心力，但人一世物一世，點都要試吓！最後等咗兩個鐘先跳，結果驚足兩個鐘！」成功着陸的她笑言事後「爽到嘔」：「其實喺半空已經覺得唔舒服，結果一落地就嘔，仲畀表哥笑我嚇到面青青！」

Milky早前在夏威夷度過了一個炎熱聖誕。

Milky挑戰空中跳傘，笑言「爽到嘔」！

其後再飛紐約的Milky更疑似在飛機上見到UFO，她說：「我不嬲鍾意睇星，嗰日望出窗，發現有幾盞燈喺飛機旁邊好高速飛過，足足五次咁多！問過啲朋友都覺得可能性好高，可惜當時我冇影低，所以最後都冇同其他人提起，唔想好似吹水咁。」