早前藝人關宛珊（Kimmy）首次挑戰舞台劇，與歌手鍾舒漫（Sherman）及藝員張景淳等合演音樂舞台劇《靜夜飛翔》，Kimmy首度演怨婦不乏傷心戲：「我個角色表面上有老公萬事足，但兩公婆冇咩時間見，夜晚我啲陰暗面就浮出嚟，會埋怨，角色同我性格唔似，我瞓一晚就咩都唔記得，所以難啲處理呢種負面情緒。」她落力揣摩角色，並在三周內練舞練歌記對白，三場表演更以不同情緒演繹，獲Fans激讚：「有觀眾睇晒同我分析，覺得最痛係第三場欲哭無淚嘅感覺，今次經驗令我明白演戲有唔同層次，有時聽到有人掹紙巾一齊喊嘅聲，好有滿足感！」

關宛珊（中）與鍾舒漫及張景淳等合演音樂舞台劇，大有滿足感！