靠模仿「Cool魔」張智霖而人氣急升的張振朗（Owen），笑言吸引不少同性「垂青」，其實只是為友人拍片冧女友，他又盼望與「正版Cool魔」合作。喜歡周星馳和張家輝的他，更坦言渴望參演喜劇。

張振朗渴望演喜劇，帶給大家歡樂。

架上墨鏡的張振朗（圖），外形與Chilam似到十足十，驟眼看難分真假！

Chilam

有「少年版黃宗澤」之稱的張振朗（Owen）早前在無綫綜藝節目《Sunday扮嘢王》中，憑模仿劇集《衝上雲霄Ⅱ》的「Cool魔」張智霖（Chilam）而成功彈出，除了工作接踵而來外，又多了不少女粉絲追隨，其網誌人數更破一萬七千人。

似男神有壓力

架上墨鏡後，不論聲線和外形均與Chilam似到十足，Owen直言期待與「正版Cool魔」合作，又謙稱對方高大好多、正好多。問到有否以這個「絕技」追女仔？他笑稱反而吸引了不少同性：「其實係男仔多，多咗男仔叫我錄音扮畀佢哋女友聽，之前仲有個朋友結婚，叫我錄片畀個新娘，因為佢好鍾意Chilam，新娘睇到都好開心。」

他又笑言出街獲途人叫「Cool魔」：「好好笑！因為我唔係真正嘅『Cool魔』，證明Chilam真係好受歡迎，如果唔係佢，都唔會有人留意到我。雖然畀人話似佢好開心，但佢係男神中嘅男神，所以會有好大壓力，因為啲人會有比較。」問到被指似黃宗澤（Bosco）還是Chilam較開心？Owen表示兩個都喜歡：「冇得揀，我入行啲人認得都係因為Bosco，到依家多人識係因為Chilam。」他又笑稱還會模仿鄭中基、鄭伊健及謝霆鋒等。對於獲王祖藍讚有扮嘢天分，Owen說：「一定冇祖藍咁犀利啦！我覺得自己一般、唔係話好叻，最主要因為我鍾意演戲，演戲扮嘢係一定需要嘅。（想做笑匠？）我好鍾意周星馳、張家輝，有得做喜劇的話會好開心。」