楊怡、楊明、許家傑及張繼聰等昨日拍攝新劇，期間楊明不慎以道具警棍打中許家傑眼角，令對方頓時痛極倒地，經醫生檢查後更發現視膜網穿窿！

飾演警察的楊明（右）以木棍揮向許家傑，卻意外打中對方眼角。

許家傑

許家傑中棍後即倒地，狀甚痛苦。

專業的許家傑休息過後，堅持完成拍攝才看醫生。

楊怡將會在劇中被迷暈及綁架，更有大量動作戲！

楊怡、楊明、許家傑及張繼聰（阿聰）等昨在電視城拍攝無綫劇集《逆戰塘西》。飾演警察的楊明為追捕綁架犯許家傑，一度以道具木棍揮向家傑，竟意外打中其左眼眼角。家傑受傷後即倒地兼神情痛楚，楊明見狀上前攙扶，家傑卻堅持完成餘下戲份。

左眼連環遭殃

事後家傑表示眼腫，會前往睇眼科醫生：「情況OK，但Feel到隻眼開始腫。（見暈？）咁又冇！睇到嘢，但感覺好似對唔到焦，拍完會去睇眼科。」

他笑言左眼已非首次遭殃：「上次拍嘢畀玻璃碎濺中！好彩劇組好好，盡快拍完放我去睇醫生。」對於錯手令家傑受傷，楊明感到相當愧疚：「之前都有試位，今次係第一次整親人，個心好唔舒服，唔太習慣拍動作戲！」他亦透露為拍劇而扭傷腳，惟有小心。

經醫生檢查後，家傑的視網膜穿了一個小洞，他已進行激光手術，順利完成手術的家傑需要休息數日。

阿聰疑似「失蹤」

楊怡於劇中會被迷暈及綁架，拍動作場面時她會步步為營。談及新年節目安排，她自爆會到男友羅仲謙家拜年：「上年新年凍親要撲去醫院睇醫生！（今年見家長？）唔使啦，大家都識！不過會周圍逗利是，我都未結婚，值得逗呀！（去男友家逗利是？）有時間就會去！」阿聰則自爆拍到「崩潰」，更指囝囝以為他不在港。