藝人崔碧珈、郭奕芯（Ashina）、林芊妤（Coffee）、張建聲、王宗堯、電影公司老闆蕭定一及黃柏高等前晚出席電影《壹獄壹世界》慶功宴，崔碧珈以長袖高領冷衫包到冚出場，被同場穿背心裙晒「事業線」的Ashina搶盡風頭。Ashina透露片中與王宗堯有床上戲，問到可有尷尬？她說：「一開始就拍床戲，但導演同宗堯都好好，同我溝通好，導演仲事前安排試戲。（同邊個？）宗堯。（試床戲唔驚？）唔驚！好信任佢哋！（如果搵你拍三級片？）性感OK呀！咩角色都想試，底線係三點不露。」同場的Coffee解釋因健康欠佳而密實上陣，張建聲則透露為拍攝增肥至195磅，其後花了一個月時間減至168磅，目標是做爆肌型男。

兩大性感女郎Ashina（左）與崔碧珈（右）同場交鋒，Ashina以一「線」之微撼贏對方。