Darren年前曾在《葉問2》中擔演重要角色，《葉》片監製黃百鳴受訪時表示，聽到Darren英年早逝的消息後感到愕然及惋惜：「當日起用Darren係因為想搵一個又大隻又有樣貌嘅男藝人，佢真係適合部電影，所以選用佢。佢喺拍攝過程中非常專業，為人友善。當日《葉》片喺香港舉行首映時佢都有出席，大家仲一齊出席慶功派對。雖然佢大隻，但其實佢性格斯斯文文！」而「葉問太太」熊黛林指與Darren在片中沒有對手戲，亦沒有機會見面，但經常從劇組人員口中聽到關於他努力及工作認真的稱讚，所以得知他暴斃的消息後感到十分可惜。

熊黛林與Darren雖無對手戲，但從劇組口中得知對方勤力又認真。

黃百鳴獲悉Darren暴斃後大感愕然及惋惜。