《2015國際中華小姐競選》18位候選佳麗昨日到元朗大樹下天后廟求籤，更齊齊到屏山食盆菜。抽到下籤的(6)港姐冠軍邵珮詩無懼被(4)張羽琪等Cosplay佳麗搶風頭，更預言將在決賽突圍挽回劣勢：「唔需要做新聞畀自己，相信我嘅表現大家會睇到！」但當她見到(4)張羽琪玩「龍洗」卻唔執輸玩埋一份。

邵珮詩有信心在中華小姐決賽當晚突圍而出，摘下后冠。

邵珮詩（中）與一眾佳麗齊齊開心食盆菜，懶理抽得下籤。

(8)李玉薇被批在競選中「一箭雙鵰」，難怪咁開心。

(11)惠櫸喬求籤時因合上眼犯禁，要連求三次。

(16)方詩揚被指曾整容，但謠言不攻自破。

18位佳麗當中以(8)李玉薇的籤文最佳，指她能「一箭雙鵰」，有望在競選中連奪兩獎；而(11)惠櫸喬第二次求籤時因合上眼犯禁，籤文要求開眼再求第三次，認真神奇。另外，有指(16)方詩揚參選前曾整容，她在電話訪問中否認：「以前自己化妝，依家有專業化妝師幫手，所以先有出入。」而記者經社交網站查證後，亦發覺其舊相與現時容貌相差不遠。