關之琳（之之）與台灣富商陳泰銘拍拖七年，屢傳婚訊，之之昨晚出席Moiselle 2015年春夏時裝展時春風滿面，風騷地說：「我今日心情好，可以參加時裝騷。（係咪要恭喜你就快結婚？）唔好恭喜我，唔係真。（傳你四月在法國結婚？）唔係，成日好多傳聞，講咗幾年，都唔係真。（幾時真？）唔知呢？都唔係。（驚唔驚七年之癢？）唔知會唔會癢，唔知佢癢定我癢。」問到男友養她時？之之笑得特別燦爛。至於兩人還欠甚麼而沒有結婚，她說：「唔知喎！依家生活好開心，唔需要，都咁老。（一紙婚書唔重要？）係，開心就得，已過咗（結婚）呢個年紀，唔需要。」

心情大靚的關之琳，否認四月在法國結婚。

老公攬實關心妍纖腰晒恩愛。

而關心妍偕老公到場，問到同公司的鄭融久未露面？她說：「我冇了解公司嘅事，但知佢傾緊新公司，佢大個女有自己選擇，希望佢做好音樂。（鄭融唔再續約？）我唔清楚，不嬲我自己做自己嘢。」