蜜運中的名模熊黛林揚言與郭可頌的拍拖生活很開心，又自爆男友已見過家長，母親對他的印象不錯。她坦言希望新年到男友家中拜年，融入家中，看來已視對方為結婚對象。

Lynn甜絲絲地表示拍拖生活很開心，男友郭可頌更甚得媽咪歡心。

郭可頌

王馨平撐鄭嘉穎咀女正常，但笑言沒有女仔介紹給對方。

露香肩的阿佘表示未知情人節有否約會。

熊黛林（Lynn）、佘詩曼和王馨平等昨日出席護膚品活動，蜜運中的Lynn明顯容光煥發，她透露現時要回內地工作，但每星期也會回港一次。問到是否爭取時間見男友郭可頌？她即甜笑說：「見啲要見嘅人，比較掛住嘅人。」並稱如今拍拖生活很有安全感，既開心又簡單，閒時逛超市及飲下午茶，已令她相當滿足。

衷心祝福舊愛城城

至於是否視郭可頌為結婚對象？Lynn說：「慢慢嚟，唔好一開始就咁講，嚇走人呀！（見家長？）慢慢嚟。（過年去拜年？）希望啦！」並自爆母親已見過男友，問到印象如何？她再甜笑說：「過關！」至於二人首個情人節，Lynn表示未知要否工作，但已準備好禮物。提到有指其男友身家豐厚，她即指報道誇張。

提到舊愛郭富城又傳緋聞？她說：「有聽過，知道發生咩事，不過真係好耐冇聯絡。但我都衷心祝福佢，佢人其實好好，希望個個人都可以搵到啱自己嘅另一半。」

馨平冇女介紹畀嘉穎

同場的王馨平被問到舊愛鄭嘉穎被拍得與女伴激咀？她笑說：「我有同佢通電話，有笑佢咁唔小心，不過佢係單身，我覺得都好正常啫！佢有時都講笑問我有冇女仔介紹，我就話我啲朋友都結晒婚，叫佢要靠自己。」

而阿佘被問到情人節可有約會？她說：「唔知呢？多數要開工。（有乜擇偶條件？）開心囉！一見到佢就會笑，溝通到。（考慮吓鄭嘉穎？）隨緣啦！」