鄭融被指去年底與合作六年的星娛樂（Neway Star）約滿，但有指去年八月雙方成功達成協議，鄭融以七位數續約三年，豈料她突然變心，續約後仍不時搲撈，更傳有意轉投前男友莊冬昕的新公司。涉毀約的鄭融為盡快回復自由身，故主動找大老闆薛濟傑解約，薛生因與她的親戚是多年老友，最終決定放生鄭融，未有索償。

鄭融否認毀約，只希望轉換工作模式。

鄭融昨日接受電話訪問，問到是否涉毀約？她說：「我覺得唔係囉！我哋有長時間認真傾過，我都30歲，係時候要換吓工作模式。」而莊冬昕亦不排除與鄭融會在音樂上合作。至於原本計劃力捧鄭融的星娛樂總經理朱先生則說：「打亂咗少少計劃，總之依家我哋雙方都冇約，可能歌手有自己方向，我祝福鄭融。」