李亞男昨日與王祖藍一同出席活動，被問到會否請上海的親戚來香港出席喜宴時，亞男坦言有一部分的上海親戚會來出席婚宴，但因為人數太多，故與祖藍商量後，打算在上海再搞會更加適合，亞男說：「我哋會喺新年前就返上海，上海方面唔係擺酒，亦都冇乜習俗，都係同啲親戚簡簡單單食飯，我哋都好耐冇返過上海，當拜個早年大家開心吓。」

王祖藍與未婚妻李亞男出席奇華嫁喜餅活動，預演過大禮。

祖藍親身「擔」禮餅過大禮，準備迎親。

問到亞男結婚前心情，她說：「好想快啲搞掂晒啲嘢，亦都好想快啲去到結婚嗰日，不過都好幸運，好多姊妹都幫到手，仲搞掂晒啲名單。（間屋未搞掂有冇煩惱？）希望快啲搞番好件事啦！依家都好麻煩，間屋漏水，搞到祖藍同媽咪要抹水抹到凌晨三、四點。」