田蕊妮與胡定欣前晚為無綫劇集《鬼同你OT》開工，天氣突然轉冷，但她們仍要在公司天台吹風拍攝，定欣說：「拍呢啲戲好似擇日咁，一拍就轉涼，公司天台好大風好凍！」阿田則說：「之前出海又係最凍嗰日，得11度，件恤衫仲有啲透視，連暖包都黐唔到！」她又指同劇演員相繼病倒：「病源係胡定欣！有一日見佢塊面腫到豬頭咁，本來嗰晚我哋要先後錫陳豪，但陳豪一家大細，老婆又大肚，最後定欣都冇錫陳豪，之後好多人都中招！」定欣笑說：「啲菌好犀利，之後到阿田病。」

田蕊妮（左）與胡定欣受訪時大爆拍劇的各種趣事。