周美鳳：佢走得安詳冇遺憾

前港姐周美鳳連日來一直避談老友司馬燕死訊，昨日終忍不住嚎哭說：「禮拜六好多傳媒打畀我，嗰日下晝我打畀Togi（司馬燕丈夫之洋名），順便問候吓Michelle，佢停一停冇出聲、喺度喊，之後話：『佢Pass Away咗！』佢喊我又跟住喊，佢話Michelle走得好安詳。（Michelle有冇心願未了？）佢想去教堂結婚，了咗心願，佢話玩又玩過，食又食過，結過婚生埋仔，又去過咁多地方，冇遺憾。」對於之前一直迴避提問，她解釋是想尊重司馬燕家人希望低調。