李嘉欣雪卵望生女，而樂壇潮媽陳慧琳（Kelly）則以人工受孕誕下兒子！Kelly於2009年誕下愛兒「蝦餃仔」劉昇，一直恨生女的她於2011年1月宣布以人工受孕「中」了孖胎，一個月後承認佗着「孖女」，但懷孕5個月時不幸流產，不過Kelly十分勇敢，調理好身子後，半年後再度人工受孕，在2012年3月誕下次子「小龍包」劉琛。昨日Kelly現身活動，由於今年是入行20周年，她透露已跟監製老友雷頌德籌備新碟，問到會否開紀念演唱會？她說：「睇吓有冇新歌先啦！要等佢搞晒啲展覽先可以寫歌畀我，不過佢寫歌好快嘅，如果冇新歌就未必開騷。」

陳慧琳透露正在籌備新碟。

陳慧琳接受人工受孕誕下活潑可愛的次子「小龍包」。（資料圖片）

另外，溫碧霞對於李嘉欣雪藏卵子望生女一事，她直言無意效法，因她沒有想過生BB：「我怕痛，當年我家姐生BB，我見佢佗同生都辛苦，所以我唔會生BB，亦從來冇儲存卵子嘅打算。」而關心妍則表示暫時未有考慮作人工受孕或雪藏卵子。