藝人筱靖、鄺佐輝及楊玉梅昨日到長沙灣出席活動，患腸癌的鄺佐輝精神不俗，透露下星期會接受第五次化療。提到王征被前亞視「星光幫」男成員大爆雙方過往有約會感覺及肢體接觸的桃色傳聞，已離開亞視的筱靖說：「亞視嘅女藝員不嬲都幾安全嘅，以前都聽過呢啲傳聞。（好多員工受騷擾？）你哋Check吓啦！我只可以講亞視嘅女藝人好安全。（男藝人呢？）唔知呢。」筱靖慶幸離開亞視走得快，並透露有被拖糧的舊同事問她借錢解燃眉之急。

筱靖慶幸及早離開亞視，又透露有舊同事向她借錢。

黃集鋒透露亞視不時有飯局及船河等活動，但他沒有出席。

黃集鋒前晚出席另一活動時被問到王征的桃色傳聞，他說：「我喺亞視六年，立場堅定，唔會畀人誤會，呢啲重口味嘅嘢唔會喺我身上發生，亦冇見過。公司有時叫我去食飯、船河我都冇去。（唔去會唔會影響前途？）唔會！」