薛凱琪想第一時間打畀祖名

薛凱琪

在Instagram留言鼓勵祖名：「知道好朋友幾時可以返番屋企好開心。過去半年好掛念佢，睇到佢啲相，冇肥瘦，都係眼細細，2015年我相信佢會更加好，我都好想第一時間打畀佢Say Hi講新年快樂，佢出來時等佢同佢爹哋媽咪聚咗先。祖名好落力做嘢，之前佢畀我聽過自己作歌作詞嘅Demo，感人到我要忍住喊，我同佢合作過兩部電影，佢算係捱得。」

洪天明

與祖名識於微時的洪金寶之子洪天明，坦言與祖名相熟：「一路都好擔心，但冇咩途徑可以探到佢，好快佢就可以放出嚟，唔需要放棄自己，唔需要唔開心，遲啲有時間都想去探佢，佢都係一時貪玩，希望各界人士可以畀機會佢。」

陳自強

祖名契爺陳自強接受東網電話訪問時開心地表示，今晨一早一直留意新聞。談及刑期，他表示沒想太多，只替成龍及林鳳嬌開心！對於祖名過年前可出來，他說：「咁就更加好啦！等佢返嚟同佢洗塵。」

黃秋生

曾與祖名合作電影《早熟》的秋生：「算好，若果判你3年，你唔死呀？（預期祖名最快可返出嚟過農曆年！）咁就更加要恭喜佢。佢好有禮貌，但外人可能覺得佢食飽無憂米，呢個經歷會令佢同佢一家都有所轉變，對佢今後嘅人生係好嘅。但唔識死嘅嗰班，係唔會受影響，照食，我係指唔識死嗰班人！都唔知有乜咁好食？總之去到人哋嘅地方，要尊重人哋嘅法律。」

姜文杰

祖名涉毒事件發生前最後一次公開亮相，便是為姜文杰、姜麗文參加的《我不是明星》任打氣嘉賓，跟祖名認識多時的姜文杰說：「都擔心咗好耐，好多傳聞都話大哥（指成龍）聯絡唔上，依家快出來，家人親友都可以安心。」

姜麗文

與祖名從小認識的姜麗文坦言有留意祖名的判決，問到覺得刑期如何？她說：「講真，呢啲嘢唔方便評論，但身為妹妹，好掛住佢，好想快啲見到佢，我知道佢出返嚟後，會同以前好唔同，但無論點都好，我都支持佢。（即時探佢？）等佢Relax吓先。」

劉偉強

劉偉強指祖名是細路仔，今次是很好的教訓，希望他努力做人。談及刑期六個月，他說：「呢段時間都係一個好好機會去反省、冷靜。（佢庭上表現好？）睇電視見到佢都青靚白淨、大隻過以前。（之後開戲會唔會預祖名？）冇所謂，佢又唔係犯咗彌天大罪，只係一念之差。」

王晶

王晶指判決算合理、算輕判，亦戥祖名開心。雖與祖名不算熟，但見過幾次，覺得他很乖、很有禮貌，問到之後會否找祖名拍戲？他指對方應暫時不會拍，會先做公益活動。

李毓芬

祖名前緋聞女友李毓芬：「現在結果出來，終於讓大家都安心，祖名也負了他負的責任，生活總是會獲得甚麼、失去甚麼，祝福他有新的開始，希望他加油。我和柯震東比較熟，與祖名是工作上認識的，他是工作上的朋友，跟他沒有到很熟，也很久沒有聯絡。」

爾冬陞：哪個人年輕時候沒犯過錯，知錯能改就好！