房祖名昨日就「容留他人吸毒罪」於北京開審，庭上證實英皇藝人洛詩同樣染有惡習。涉案前洛詩正趕拍林超賢新片《破風》，據知戲份頗重的她與主角有不少互動，如今事件曝光令林導非常無奈：「我都係今朝先知，一切要睇投資方英皇嘅決定，電影今年暑假先上畫，依家講唔到啲咩實質嘢。」

洛詩經理人霍汶希接受電話訪問時說：「我哋即時雪藏佢，但冇諗過要解約，希望佢藉此反思，年輕人要畀機會佢哋改過嘅。（祖名判囚6個月！）我都睇住佢大，佢為人好純品，希望大家畀機會佢，個人嚟講都唔排除日後會同佢合作。」英皇高層吳雨昨晚出席樂壇頒獎禮時，呼籲大家要給祖名改過自新的機會：「知道刑期代表件事已告一段落，（刑期）都算合理，可以話係對年輕人嘅一個借鏡。祖名唔好氣餒，同行好多Uncle都支持佢。」