前組合Freeze成員陳樂榣（Alley）及Jessica C.師妹楊柳青（Wiyona）去年底在長沙灣開時裝店，各有各做不怕影響感情，Alley說：「做生意暫時單獨好啲！一夾份就會比較多爭拗。」Wiyona亦坦言：「我都試過，有時大家Style唔同，入貨時有唔同意見。」

Wiyona（左）在Alley鼓勵下，再開舖戰時裝界。

她直言是Alley鼓勵她開舖再戰時裝界：「之前喺尖沙咀開過，不過太忙，失戀又心情唔好就冇做。但家姐（指Alley）話儲咗班客，姐夫又整到間舖咁靚。」現時佗B五個月的Alley笑言睇住「妹妹」Wiyona大：「我都唔知佢嗰陣夠18歲未，依家睇住佢愈來愈大個喇！」她現時要兼顧教畫及打理舖頭，閒時亦會出席公開活動，生活充實滿足。