宅男女神董嘉儀（大埔LuLu）去年正式踏入娛樂圈，便參演了兩部電影。想在影圈發展的她，最想和阿Bob及男神彭于晏合作，更坦言阿Bob符合其理想老公條件，而彭于晏則只可當男朋友。

董嘉儀（大埔LuLu）

LuLu表示阿Bob夠踏實，最好就係做老公。

LuLu早前曾參演微電影，更希望在影圈發展。

Bob

擔任足球大使而為人熟悉的董嘉儀（大埔LuLu），去年踏入娛樂圈，更參演了兩部電影，她說：「雖然只係客串角色，但我覺得係好好嘅學習機會，未來都想喺電影圈試多啲。」她認為就算不是靚女角色也沒所謂：「醜化我都OK！唔需要係靚女嚟，咁樣更加凸顯到自己。」

最重要踏實

問到最想和誰合作，她說：「最想就係阿Bob同埋我嘅男神彭于晏啦！」當要她在兩人中選一個時，她表示：「如果揀老公，就應該係阿Bob，男朋友就要揀彭于晏，因為我覺得老公要畀到我踏實嘅感覺，樣貌係其次，彭于晏太靚仔同太型，做老公太冇安全感啦！」更大讚其男友有點似阿Bob，有少少肚腩，有安全感。

為工作騷性感

近年很多女新人都以性感或騎呢手段作宣傳，她說：「我覺得冇問題。可能佢哋鍾意性感，又或者嗰樣嘢係佢哋嘅優點，所以想騷出嚟。如果係健康嘅性感同工作需要，我都OK。」直言絕不是嬌滴滴女生的她說：「聽我講嘢把聲都好Man啦！我行真性情路線，有咩都會講畀大家知，唔會收收埋埋。可能因為比較隨和，所以之前同大埔隊球迷都夾得好好！」