組合天堂鳥日前與Super Girls（SG）出席工展會活動，三子指現場只有一隊男子組合，又笑言「睇中」SG：「希望將來有機會同佢哋合唱，好想一大班藝人一齊合唱，成日都係三個男仔，都會悶o架嘛！同埋都希望透過唔同嘅合作擦出新火花。」

咪睇天堂鳥跳舞咁活潑，原來初出道時好靜o架！

他們又大讚SG為人親切：「我哋係新人，初初出道嗰時好沉默，唔多出聲，但Super Girls會主動識我哋，又會同我哋傾偈，好開心可以熟到，其實唔止佢哋，好多藝人朋友都好Nice，會叫我哋加油。」