武打女星陳鈺芸一改深入民心的「打女」形象，於電影《猛龍追擊八小時》中飾演有很多內心戲的女主角，實行向演技派進發。而簽了荷里活經理人公司的她亦將在當地逗留數月，正式殺入荷里活的娛樂圈！

最近簽了荷里活經理人公司的JuJu，決心進軍荷里活！

JuJu不再做打女角色，轉而挑戰演技。

JuJu於新戲《猛龍追擊八小時》中的演技備受讚賞。

陳鈺芸（JuJu）擔任女主角的荷里活電影《猛龍追擊八小時》早前率先在泰國發行，得到眾多正面評價，JuJu表示很多人對她的演出感到驚訝：「佢哋Expect我會有好多打鬥嘅場面，但今次我反而係做受害者嘅角色，仲有好多情緒上嘅鏡頭，同埋最開心係啲觀眾話感受到我個角色嘅辛苦！」她又自爆本身是飾演「打女」的角色，最後卻選擇了當柔弱的女主角：「因為除咗打，我都想做啲有得發揮嘅角色，可以挑戰吓演技！」

而為了這部電影，JuJu不但獻出螢幕初吻，更有一場被羞辱的戲：「嗰場戲我係着住浴袍被啲女打手挾持住，佢哋又摸我、錫我，仲撕開我啲衫，真係好激烈！（會唔會尷尬？）咁又冇，因為已經完全代入咗落個角色度，我淨係不斷喊同尖叫。」

預告拍美劇

而JuJu最近亦簽了荷里活經理人公司，成為奧斯卡影后的師妹，她坦言接拍國際電影的確有幫助：「喺我拍緊《臥虎藏龍2》嘅時候，有啲外國媒體都會報道有咩人演出嘅，之後開始有5、6間公司接觸我，最尾揀咗呢一間係因為覺得佢哋真係好有誠意，同埋畀我睇到有長遠嘅Planning！」她稍後會到荷里活住幾個月，並接拍美劇和電影，相信可以打入當地市場，為港爭光！