港姐冠軍邵珮詩將代表香港出戰《2015國際中華小姐競選》，昨日在記者會上獲港姐亞軍王卓淇及季軍何艷娟送禮打氣，她坦言既緊張又興奮：「因為得十日訓練，所以要把握機會同時間瞓覺。（撒手鐧？）最緊要做番自己，淡定、自信、大方。」對於陳凱琳上屆勇奪港姐及華姐冠軍，問到會否感到大壓力？她說：「佢同鄧佩儀都叫我睇番歷屆比賽，知道個模式就知道點答。」又透露會跳韓國天團Big Bang成員太陽的舞：「我會跳韓風同美國偶像嘅Hip Hop舞，依家每個禮拜練五次左右。」

準備跳勁舞作為才藝表演的邵珮詩，對奪冠甚有信心。

何艷娟（左起）、邵珮詩、王卓淇及余詠珊舉杯祝酒。

同場的無綫非戲劇製作總監余詠珊指18位佳麗都很靚，問到邵珮詩有否勝算？她說：「好難講，啲女仔睇相好靚，要睇埋佢哋嘅狀態，但邵珮詩永遠臨場狀態都好好。」她揚言不擔心內地佳麗整容，揀人時會盡量抽走「人工樣」，而比賽將於本月25日舉行。