黃德斌、龔嘉欣及邵美琪(Maggie)等昨日為新劇《刀下留人》試造型,德斌與Maggie分別飾演劊子手及接生婆,並有感情線,德斌笑說:「我係嚟攞命,佢係迎接生命,係血淋淋嘅浪漫。」問到拍談情戲會否尷尬?Maggie說:「呢套靠對白同感覺幫助,唔係用曖昧動作。」而再次擔正的德斌坦言責任重大:「壓力自己冇諗,只覺得大家同一條船,做帶頭嘅要划好佢。」

黃德斌與邵美琪合作無間,早有默契。

到底咩令到龔嘉欣(左)笑到肚攣,邵美琪又掩住嘴笑呢?

簡慕華(左)與楊明於新劇合作,並要犧牲色相。

談到監製戚其義在內地開劇,問Maggie是否想北上賺人仔?她說:「賺乜都好,有工作都開心,但知佢好多嘢搞,唔敢煩佢住。」而同場與Maggie笑個不停的龔嘉欣,透露劇中會與楊明、陳山聰大搞三角戀:「現實生活冇浪漫就惟有喺戲入面。(想三角戀?)唔係!」她又自爆朋友介紹異性,但遭她婉拒:「依家絕緣咗,好似撻唔着,唔知係咪耐冇拍拖,識異性嘅心都冇。(中途轉『基』?)絕對唔係。」