影星姬絲汀史釗活（Kristen Stewart）去年5月與前助手兼好友Alicia Cargile傳出「斷背情」，二人日前結伴飛往夏威夷檀香山慶祝新年，趁四下無人親熱一番，戀情愈見公開。身穿黑色比堅尼的姬絲汀外加藍色背心遮掩身材，睇頭欠奉，但最特別的是她穿上男裝平腳褲，盡顯男性化一面。

姬絲汀（右）被拍得拖住前女助手行沙灘，睇嚟佢哋唔係朋友咁簡單。（東方IC圖片）

二人先玩一輪掟波及戲水，其後坐在海邊談心，期間不時含情脈脈對望，姬絲汀還將頭靠在Alicia的肩膀上，又愈哄愈埋疑似咀嘴，最後更齊齊換上Tom Boy Look離開，十指緊扣行上山坡，關係不言而喻。