卡通人物「叮噹」（現稱「多啦A夢」）的配音員林保全日前逝世，其遺孀與女兒林芷筠前日做法事並接受電視台訪問，林太寄語聲迷別因保全叔的離去而傷心：「喺呢度想感謝各位，我會頂得到。」女兒芷筠則補充：「爸爸好希望帶到歡笑畀大家。」

《東張西望》訪問保全叔的家人，分享昔日點滴與相片。

林太又指保全叔的後事將透過無綫公布，對此無綫企業傳訊部副總監曾醒明表示十分重視：「30年嚟佢同大家一齊成長，叮噹即係TVB，TVB即係林保全。（有同家屬見面？）傾咗有關身後事嘅安排，公司會協助家屬製作紀念片同紀念特刊。」而剛經歷喪妻之痛的保全叔師傅丁羽亦有提供協助：「我介紹咗為太太處理後事嘅長生店畀佢家人。」另外，林太與女兒昨晚在節目《東張西望》中接受訪問，林太指保全叔將公餘時間陪同家人，芷筠讚揚是廿四孝父親。