模特兒傅嘉莉（Kelly）今日正式踏入三十歲，前晚她喜獲一班好姊妹準備迷你生日派對，令她甜入心扉：「因為個個工作都好忙，所以我嗰晚去到都有少少嚇親，事前完全估唔到！好笑係大家都以食甜品代替蛋糕，唔想肥咁話！」問到今日有何慶祝活動？她說：「要做嘢呀！做完就同屋企人食飯，應該月底拍埋套劇先搞生日會。」至於生日願望，她寄望演藝事業能更上一層樓：「希望大家會鍾意睇我做嘅戲，同埋之後可以嘗試更多不同角色，因為我發現自己原來真係好鍾意、好有Passion（激情）去拍戲，之後嗰十年我會放更多時間喺呢方面，希望唔使太耐會有好成績啦！」