藝人黃芷晴及周家怡昨日出席婚禮雜誌頒獎禮，以低胸裙谷盡三吋事業線的芷晴，自爆遭男友「埋怨」又行性感，她笑說：「佢唔係有微言，反而係驚佢睇厭！（男友面前會更性感？）唔會！我係好Man嘅女仔，鍾意着恤衫多過佢，平時會着短裙短褲，但吊帶背心就好少。」喜歡傳統白色婚紗的她希望將來舉行田園風的婚禮，但暫時未有結婚計劃。

谷盡三吋事業線行性感的黃芷晴，笑指男友冇詐型。

身穿紫灰色晚裝的周家怡明艷照人。

唔知姜麗文拍拖

對於姜麗文傳秘戀韓國男團2PM成員Jun K（金閔俊），芷晴認為對方鬼妹仔性格令人誤會：「唔知係咪拍拖，你問番佢好啲，佢都多朋友。（佢成日飛去韓國？）冇，反而我多啲。」