歌手林欣彤（Mag）、RubberBand（RB）、C AllStar及AGA等昨日到電台出席記者會，他們將會在漆黑環境中獻唱，RB主音6號大爆笑料：「對上一次參加活動嗰時，興奮得滯喺場內走嚟走去，但因為黑麻麻搵唔番個咪架，摸摸吓仲摸到觀眾個頭！」

林欣彤（左起）、釗峰、AGA及泥鯭齊齊到電台出席記者會。

Mag則自爆有黑暗的一面：「我都幾極端，好易鑽牛角尖，我將呢面寫咗入《時間》隻歌度，有朋友聽完都話唔想再聽第二次。」她又指沒有信心亦未準備好在勁歌頒獎禮中奪女歌手金獎：「應該係容祖兒、謝安琪或者王菀之啦！」